¾«¶«´«Ã½

Llwyddiant Myfyrwyr Mentrus ¾«¶«´«Ã½ yng Nghystadleuaeth FLUX

Daeth tîm o Brifysgol ¾«¶«´«Ã½ yn ail drwy Brydain yn y Gystadleuaeth FLUX bwysig a gynhaliwyd yn ddiweddar. Hon yw'r gystadleuaeth entrepreneuriaeth fwyaf yn y sector addysg uwch.   Gosodwyd eu her iddynt gan Costain, grŵp adeiladu a pheirianneg rhyngwladol, gyda'r bwriad o roi prawf ar eu sgiliau busnes a masnachol.

Y Tîm llwyddiannus- chwith-dde: Bogdan Pop, ZhiHong Zhao, Alex Hopkins, Louise Ainsworth, Kate Isherwood a Daniel Taylor.Un o'r sialensiau a gawsant oedd canfod atebion tymor byr a thymor hir pe bai pont allweddol yn system un-ffordd Lancaster yn gorfod cau oherwydd problemau diogelwch.   Cafodd y myfyrwyr a gymerodd ran help gan fentoriaid ac arbenigwyr busnes wrth iddynt ymdrin â'r sialens hon. 

Collodd y tîm y wobr ariannol o £500, a roddwyd gan IBM, o drwch blewyn, ond fe wnaethant sicrhau rhai cysylltiadau gwerthfawr gyda chyflogwyr yn y digwyddiad.

"Roedd hwn yn gyfle rhagorol i fyfyrwyr ddod i gysylltiad â busnesau amlwg, beirniaid a mentoriaid o IBM, Deloitte, a hefyd lawer o fusnesau llai yn y sectorau adnoddau dynol, cyllid, y gyfraith, ymgynghoriaeth a darparu gwasanaethau - meysydd lle gall graddedigion gael dylanwad gwirioneddol," meddai Chris Little, Pennaeth Gyrfaoedd a Chyflogadwyedd ym Mhrifysgol ¾«¶«´«Ã½.  

Roedd tîm ¾«¶«´«Ã½ yn cynnwys yr israddedigion Seicoleg, Kate Isherwood, Daniel Taylor ac Alex Hopkins, yr israddedigion Busnes Bogdan Pop a Cassie Zhao a myfyriwr ôl-radd mewn Seicoleg, Louise Ainsworth. Roedd y tîm wedi cwblhau her Menter drwy Ddylunio ym Mhrifysgol ¾«¶«´«Ã½ yn ddiweddar a rhoddodd hynny'r hyder iddynt gystadlu ar lwyfan rhyngwladol.  Fe wnaeth y cwrs 10 wythnos ym Mangor roi cyfle iddynt weithio'n effeithiol mewn tîm amlddisgyblaethol, defnyddio amrywiaeth o ddulliau dysgu arloesol i ddatblygu atebion creadigol i broblemau mewn bywyd go iawn a chynnig syniadau i banel o weithwyr proffesiynol.

Tri aelod o’r Tîm FLUX – o’r chwith: ZhiHong Zhao, Daniel Taylor a Kate Ishwerwood, yn trafod efo James Johnston o Costain Ltd yn ystod un o gyfarfodydd mentora’r gystadleuaeth.Meddai Kate Isherwood, un o dîm ¾«¶«´«Ã½, "Roedd Flux yn brofiad gwych.  Roedd yna gystadlu brwd ond hynod bleserus ac roedd y gefnogaeth a gawsom yn rhyfeddol!  Mae'n sicr yn ychwanegiad pwysig i'w roi ar y CV."

Meddai un arall o'r tîm, Daniel Taylor, "Roedd FLUX yn gyfle rhagorol i gael blas o'r byd go iawn tra ydym yn dal yn y brifysgol.  Roedd yn ddiddorol iawn deall sut bydd yr hyn rwy'n ei ddysgu ar hyn o bryd yn berthnasol a defnyddiol i'm gyrfa yn y dyfodol."

Meddai Charlotte Hey, Rheolwr Ansawdd a Pherfformiad yn Costain, am y digwyddiad:

"Cefais fy rhyfeddu gan ymroddiad llwyr yr holl fyfyrwyr a'r awch i lwyddo a'r fenter a ddangoswyd ganddynt drwy gydol y gystadleuaeth. Fe wnaeth pob un o'r beirniaid o Costain ganmol y myfyrwyr am eu brwdfrydedd a'u penderfyniad i gwblhau'r sialens."

Awlodau Tîm Flux mewn Cinio Rhwydweithio ch-dd: Daniel Taylor, Louise Ainsworth, Alex Hopkins, Kate Isherwood, Bogdan Pop a, ZhiHong Zhao.Dyma oedd gan Abu Saleh o Deloitte, un o noddwyr yr achlysur a beirniad ar y panel, i'w ddweud:

"Mae yna alw cynyddol ar raddedigion i ddangos bod ganddynt sgiliau datrys problemau ac ymwybyddiaeth fasnachol.  Mae digwyddiadau fel FLUX yn gyfleoedd gwych i'r rhai sy'n cymryd rhan ddangos bod ganddynt sgiliau o'r fath."

Noddwyd tîm FLUX ¾«¶«´«Ã½ gan Lywodraeth Cymru drwy Ganolbwynt Rhanbarthol Gogledd Orllewin Cymru sy'n bartneriaeth rhwng Prifysgol ¾«¶«´«Ã½ a Grŵp Menai-Llandrillo.  Cafodd y cais ei gydlynu gan Lowri Owen, Ceri Jones ac Eirian Jones o'r Tîm Byddwch Fentrus sy'n rhan o'r bartneriaeth hon.

Dyddiad cyhoeddi: 29 Ebrill 2014