¾«¶«´«Ã½

To get started, you’ll need to set up your UCAS Hub account with UCAS (University and Colleges Admissions Service) – the organisation that manages applications to all UK universities. You can start your application from UCAS Hub.

Edrychwch ar y cyrsiau sydd ar gael ar wefan y Brifysgol.

Darganfod cwrs

Dylid ystyried yr isod wrth ddewis eich cwrs a’ch prifysgol:

• Beth yw’r modiwlau gofynnol a dewisol sydd ar gael?
• Ydych chi’n gallu gwneud blwyddyn dramor neu blwyddyn mewn diwydiant fel rhan o’r cwrs?
• Ydych chi’n hoffi’r llety?
• Ydi’r bywyd myfyriwr yn apelio atoch yn nhermau'r clybiau a chymdeithasau sydd ar gael, lleoliad a chyfleusterau?

Yn eich cyfrif UCAS, gallwch safio'r cyrsiau rydych â diddordeb ynddynt trwy glicio ar yr icon siâp calon ar wefan UCAS. Bydd y rhestr yma yn cael ei gadw mewn un lle fel eich bod yn gallu mynd yn ôl i edrych arnynt fel y mynnwch.

Cewch wneud hyd at 5 cais. Gall hynny fod yn hyd at 5 cwrs gwahanol i’r un brifysgol neu'r un cwrs mewn hyd at 5 prifysgol wahanol.

Gwnewch hyn cyn gynted â phosib ym Mehefin / Gorffennaf fel eich bod yn gallu troi at ymchwilio eich opsiynau cwrs. Pan fyddwch wedi creu eich rhestr fer, byddwch wedyn yn barod i wneud eich cais.

Fel rhan o’ch proffil ar UCAS, bydd angen i chi ysgrifennu eich datganiad personol. Mae hyn yn rhan bwysig o’r broses ymgeisio.

Dyma eich cyfle i berswadio’r brifysgol y dylent eich derbyn chi ar y cwrs. Cewch 4,000 llythyren i egluro pam rydych wedi dewis y cwrs a’r sgiliau neu brofiad sydd gennych sy’n hanfodol ar gyfer astudio ar lefel prifysgol. Mae 3 cwestiwn yn cael ei ofyn sydd yn eich helpu drwy'r broses o ysgrifennu'ch datganiad personol.

I ysgrifennu datganiad personol gwerth chweil, dylech fod efo dealltwriaeth o’r cwrs a’r pwnc byddwch yn ei astudio. Cofiwch eich bod yn ysgrifennu un datganiad personol ar gyfer eich 5 dewis felly mae angen gwneud yn saff bod eich cyrsiau yn rhai tebyg a sicrhau nad ydych yn cyfeirio at unrhyw un o’r cyrsiau na unrhyw brifysgol yn benodol yn y datganiad personol.

Cyngor ar sut i ddrafftio Datganiad Personol

Ewch dros eich cais a gofynnwch i rywun arall edrych drosto hefyd - gwnewch yn siŵr eich bod wedi gwneud cais am y cwrs cywir yn y brifysgol gywir.

Byddwch angen geirda gan eich athro/athrawes, cynghorydd neu rywun sy’n eich adnabod yn academaidd neu’n broffesiynol.

Pan rydych yn hapus gyda’ch cais, talwch ffi UCAS ar-lein gyda cherdyn debyd neu gredyd a phwyswch y botwm i gyflwyno eich cais!

Bydd yr holl brifysgolion rydych wedi cyflwyno cais iddynt yn ystyried eich cais ac yn ymateb – fel arfer gyda cynnig amodol (y graddau mae’r brifysgol isio chi eu cyflawni) neu cynnig diamod.

Mae ceisiadau meddygaeth yn cau'n gynharach na cheisiadau ar gyfer y rhan fwyaf o gyrsiau prifysgol eraill, felly gwnewch yn siŵr eich bod yn gwirio'r dyddiad ac yn gwneud cais mewn pryd. Y dyddiad cau ar gyfer ceisiadau meddygaeth (ar gyfer mynediad yn 2027) yw 15 Hydref 2026.

Rhaid i chi sefyll Prawf Cymhwysedd Clinigol Prifysgol (UCAT) fel rhan o'ch cais er mwyn cael eich ystyried ar gyfer gradd Meddygaeth. 

Rhaid i chi archebu eich prawf UCAT cyn 16 Medi 2026. 

Y dyddiad olaf i sefyll eich prawf yw 24 Medi 2026. 

Gwahoddir ymgeiswyr sy’n cyrraedd y rhestr fer am gyfweliad diwedd mis Tachwedd (ar ôl dyddiad cau ceisiadau UCAS ym mis Hydref). Cynhelir y cyfweliadau rhwng 7-11 Rhagfyr. Anfonir gwahoddiadau trwy e-bost gyda dolen i'n system archebu ar-lein.

Nodwch os gwelwch yn dda: le mae ymgeisydd wedi'i wahodd i gyfweliad, bydd ‘dyddiad ffug’ yn cael ei gyhoeddi drwy UCAS. Mae hyn yn ofyniad gan UCAS ac NID dyddiad eich cyfweliad yw hwn. Bydd y cynnig yn nodi yn glir bod yn rhaid i chi ddiystyru’r dyddiad a ddarparwyd ac y byddwn yn cysylltu â chi drwy e-bost yn fuan.

Dylai ymgeiswyr dderbyn yr e-bost y diwrnod canlynol yn uniongyrchol o Prifysgol ¾«¶«´«Ã½ yn eu gwahodd i ddewis eu slot cyfweld eu hunain. Cyfrifoldeb yr ymgeisydd yw sicrhau eu bod yn gwirio eu mewnflwch yn rheolaidd, gan gynnwys eu post sothach, ac yn archebu eu slot cyfweliad cyn unrhyw ddyddiad cau a allai fod wedi'i nodi. Os nad ydych wedi derbyn e-bost o fewn 48 awr i'r gwahoddiad trwy UCAS, rhaid i ymgeiswyr anfon e-bost i derbyniadaumeddygaeth@bangor.ac.uk.

Os na fyddwch yn dilyn i fyny a/neu'n archebu eich slot cyn y dyddiad cau, ni allwn wneud trefniadau eraill.

Ar ôl i ymgeisydd drefnu cyfweliad, ni ellir newid y dyddiad/amser fel arfer, felly gwiriwch â'ch dewisiadau eraill i osgoi gwrthdaro rhwng dyddiadau (cyhoeddir dyddiadau cyfweliad ymlaen llaw yn aml).

Cynhelir y cyfweliadau ar gampws Prifysgol ¾«¶«´«Ã½ a byddant ar ffurf Cyfweliadau Bach Lluosog wyneb yn wyneb (Multiple Mini Interviews). Mae MMIs yn cynnwys nifer o orsafoedd trafod a bydd cwestiynau i’w trafod yn archwilio rhinweddau a phriodoleddau personol a ystyrir yn bwysig i feddygon.   

Bydd sgôr terfynol yn cael ei bennu drwy gyfuno'r sgorau a gyflawnwyd ym mhob gorsaf drafod.

Rhaid datgan unrhyw amgylchiadau lliniarol hysbys a allai effeithio ar berfformiad ymgeisydd mewn cyfweliad wrth drefnu’r slot cyfweliad er mwyn caniatáu ar gyfer addasiadau rhesymol.

Os bydd salwch neu amgylchiadau lliniarol eraill ar ddiwrnod y cyfweliad fydd yn rhwystro ymgeisydd rhag cymryd rhan yn y cyfweliad, rhaid i’r ymgeisydd gysylltu hysbysu'r Tîm Derbyniadau (medicineadmissions@bangor.ac.uk) i roi gwybod iddynt cyn amser y cyfweliad. Trefnir dyddiad arall i’r cyfweliad, os yn bosib, ond ni ellir gwarantu hyn.

Rhaid i ymgeisydd ddod ag unrhyw bryderon am y cyfweliad i sylw'r Tîm Derbyniadau ar ddiwrnod y cyfweliad.

Ni wneir addasiadau ôl-weithredol ac ni ellir ystyried amgylchiadau lliniarol yn ôl-weithredol.

Bydd methu â dod i gyfweliad a drefnwyd heb resymau eithriadol yn arwain at wrthod eich cais ac ni chewch gynnig lle ar y rhaglen feddygaeth.

Dim ond ar ôl cwblhau pob cyfweliad y gwneir cynigion.

Mae'r Grŵp Derbyn yn cyfarfod â Deon Ysgol Feddygol Gogledd Cymru ac Arweinydd y Rhaglen cyn gynted â phosibl ar ôl cynnal pob cyfweliad i bennu'r trothwy ar gyfer cynigion yn seiliedig ar sgôr cyfweliad.

Rhoddir gwybod i ymgeiswyr llwyddiannus trwy UCAS

Os cynigir lle i chi, byddwch yn cael cynnig amodol neu ddiamod.

• Mae Cynnig Amodol yn golygu y bydd angen i chi fodloni amodau penodol - fel arfer mae hyn yn golygu cyflawni graddau penodol yn eich arholiadau. Bydd y rhain yn cael eu datgan yn glir yn y cynnig.Mae cynnig diamod yn golygu eich bod eisoes wedi bodloni'r amodau y gofynnwn amdanynt.
• Mae Cynnig Diamod yn golygu eich bod wedi gwarantu eich lle ar y cwrs. Mae gennych eisoes raddau digonol, cymwysterau neu brofiad i fodloni eu meini prawf derbyn.

Pan fydd yr holl brifysgolion ar eich rhestr wedi gwneud penderfyniadau, bydd UCAS yn cysylltu â chi gyda dyddiad cau ar gyfer eich atebion. Dylech wirio'r adran 'Your choices' yn eich cais UCAS a nodi'r penderfyniadau yno.

12 Mai 2025 – Ceisiadau UCAS ar agor ar gyfer mynediad 2027

Gorffennaf 2026 – Medi 2025 – Profion UCAT

1 Medi 2026 – Gellir cyflwyno ceisiadau UCAS

15 Hydref 2026 – Dyddiad cau UCAS ar gyfer ceisiadau Meddygaeth

15 Hydref 2026 – Rhagfyr 2026 – Cyflwyno trawsgrifiadau TGAU i Adran Derbyniadau Prifysgol ¾«¶«´«Ã½ os nad ydych eisoes wedi eu hanfon

Diwedd Tachwedd 2026 – Cyhoeddi rhestr fer a gwahoddiadau i gyfweliadau

7-11 Rhagfyr 2026 – Cyfweliadau MMI

Mawrth 2027 – Cyhoeddi cynigion UCAS i ymgeiswyr llwyddiannus

Awst 2027 – Cadarnhad - Diwrnod Canlyniadau Lefel A

Awst/Medi 2027 – Dechrau'r flwyddyn academaidd