¾«¶«´«Ã½

Enw fi di Gwern a dwi’n astudio Cymraeg a Chymdeithaseg.

Ddewisais i astudio drwy gyfrwng y Gymraeg oherwydd dyna fy mamiaith,

dyna ydw’i wedi arfer hefo adref ac oedd o jest yn naturiol i fod eisiau defnyddio hwna tra’n astudio yma yn y Brifysgol.

Un o manteision fwyaf o astudio drwy gyfrwng y Gymraeg ydi’r dosbarthiadau bach. Oherwydd hyna dani yn cael profiad fwy personol yma yn y Brifysgol,

yn dod i nabod darlithwyr, a nhw’n dod i nabod ni hefyd. Felly, mae nhw’n medru teilwra unrhyw beth i ni yn bersonol ac yn gallu helpu ni ddatblygu fwy.

Hefyd, mae o'n helpu ein cyflogadwyedd yng Nghymru yn y dyfodol mewn swyddi.

Oherwydd bod fi yn astudio drwy gyfrwng y Gymraeg ges i help ariannol fel grant Coleg Cymraeg ac gwobr Coffa Gwyn Thomas ges i fyd.

Swni yn hybu eraill i astudio drwy gyfrwng y Gymraeg oherwydd mae’r dosbarthiadau yn llai ac mae’r profiad lot fwy personol.

Hefyd mae on haws os dachi’n dod o ysgol Gymraeg i ddod gyda’r geirfa ac mae’r newid o chweched neu’r coleg yn lot haws i ddod i’r Brifysgol wedyn.

[Auto-generated transcript. Edits may have been applied for clarity.]
Fy enw i yw Beca Llwyd Thomas ac dwi’n astudio Cymdeithaseg a Pholisi Cymdeithasol.

Neshi ddod i ¾«¶«´«Ã½ i astudio yn y Gymraeg oherwydd fod y cwrs yn caniatau i fi neud fy aseiniadau a'r holl darlithoedd yn y Gymraeg.

A hefyd dwi di cael tiwtor personol Cymraeg sydd yn cael ei galw i bob un myfyriwr, o be oni’n ddallt o’r diwrnod agored hefyd.

I fi yn bersonol, mae astudio yn y gyfrwng Gymraeg wastad wedi bod yn bwysig. Ers ysgol oni wastad yn dewis pynciau yn y Gymraeg

a wedyn pan oni yn dewis Prifysgol oni wastad hefo’r meddylfryd o isho neud cwrs yn y Gymraeg gan fod o wastad wedi bod yn syniad i mi yn y dyfodol i aros yma yng Nghymru,

a dwi dan y feddwl fod y Gymraeg yn adio lot i swydd ac profiadau hefyd.

Swni yn hybu myfyrwyr i astudio yn y Gymraeg oherwydd, pan dachi meddwl am dan y fo, ne pan dwi meddwl am dan y fo,

mae 'na lot fawr o fyfyrwyr yn astudio pynciau yn y Saesneg neu ieithoedd gwahanol efallai,

ond dim llawer sydd gallu deud fod nhw wedi astudio’i cwrs cant y cant yn y Gymraeg chwaith.

Felly, i mi yn bersonol mae 'na werth mawr idda fo, ac yn y swyddi yma yng Nghymru hefyd.

Gyda ysgoloriaethau mae Coleg Cenedlaethol Cymraeg wedi bod yn help fawr i llawer iawn o fyfyrwyr Cymraeg, gan gynnwys fi.

Dwi’n bersonol wedi derbyn yr Ysgoloriaeth Cymhelliant, lle ma' hwna wedi bod yn werthfawr i fy mhrofiad i ac yn ariannol yn y Brifysgol.

Haia, enw fi di Siriol ac dwi’n yr ail flwyddyn yn astudio Cymraeg efo theatr a’r cyfryngau.

Gan fy mod i’n astudio Cymraeg efo theatr a’r cyfryngau, yn amlwg mae’r pynciau Cymraeg drwy gyfrwng y Gymraeg

ond wedyn mae 'na opsiwn i ddewis y modiwlau theatr neu’r cyfryngau yn Gymraeg neu Saesneg.

Nes i ddewis astudio nhw’n y Gymraeg gan mai Cymraeg yw’n mam iaith i, dwi’n gyfforddus yn ysgrifennu ac astudio yn y Gymraeg.

Swni’n deud mai’r mantais mwya o astudio drwy gyfrwng y Gymraeg ydi fod dosbarthiadau fel arfer yn fach iawn.

Yn fy nosbarth i mae 'na mond 10 ohoym ni sydd meddwl fod 'na gyfle i gael sylw 1-yn-1 gan y darlithwyr.

Mae 'na gyfle i gael perthynas agosach efo’ch darlithwyr, ac efo’ch dosbarth chi. Mae’n hawdd iawn gwneud ffrindiau.

Fyswn i wir yn hybu i fyfyrwyr eraill astudio modiwlau drwy gyfrwng y Gymraeg.

Yn amlwg mae’r dosbarthiadau yn llai, ond hefyd mae 'na lot o gyfleoedd profiad gwaith ac mynd ar ‘placements’ gwaith hefyd,

oherwydd fod yna lai o fyfyrwyr sydd yn astudio drwy gyfrwng y Gymraeg, mae yna fwy o gyfleoedd felly.

Ac hefyd os dachi wedi dod o coleg neu ysgol lle dachi wedi bod yn astudio drwy’r Gymraeg,

mae’n lot haws symud i mewn i wneud gwaith y Brifysgol gan fod gennych chi yr un terminoleg ac yr un iaith.

Pan oeddwn yn y chweched ddosbarth ddoth Coleg Cymraeg i’n ysgol uwchradd i son am y cyfleoedd i gael efo Coleg Cymraeg.

Nes i ennill grant Ysgoloriaeth Cymhelliant oedd yn help mawr efo costau brifysgol yn cymdeithasu, ac hefyd adnoddau dysgu, ac pres gwario just i fi fy hyn.

Croeso i Brifysgol ¾«¶«´«Ã½, ma' na bob math o gyfleoedd a chefnogaeth i chi ddefnyddio'ch Gymraeg yn y Brifysgol, dyma i chi flas arnyn nhw.

Yn gyntaf, ma' na gyfleoedd i ti astudio drwy'r Gymraeg ym mhob Ysgol academaidd.

Os yw dy gwrs yn cynnig cyfleoedd i ti astudio drwy'r Gymraeg, fe gei di fanteisio ar bob un ohonyn nhw, neu dim ond rhai ohonyn nhw, fe gei di hefyd ddewis pa iaith rwyt ti isio cyflwyno dy waith.

Mae canran uchel o siaradwyr Cymraeg sy'n fyfyrwyr yma yn dewis astudio rhywfaint o'u cwrs drwy gyfrwng Gymraeg, felly mae'n rhywbeth hollol naturiol i chi wneud.

Fel siaradwr Cymraeg, fe gei di sgwrs a chyngor yn y Gymraeg ar unrhyw beth gan y diwtor personol neu gan Wasanaethau Myfyrwyr y Brifysgol.

Mae cymorth ar gael hefyd i dy helpu di astudio drwy gyfrwng Gymraeg drwy Ganolfan Bedwyr sy'n cynnig cefnogaeth iaith ac adnoddau fel Cysill ar Ap Geiriaduron.

Os wyt ti'n astudio rhywfaint drwy’r iaith Gymraeg, gallet dderbyn cefnogaeth ariannol drwy Ysgoloriaeth Cymhelliant y Coleg Cymraeg Cenedlaethol, a'r bwrsariaeth astudio drwy’r Gymraeg y Brifysgol, achos 'da ni gyd yn licio bach o bres ychwanegol.

Yn olaf, mae llawer o gyfleoedd i gymdeithasu drwy gyfrwng Gymraeg, drwy gymdeithasau a thimau chwaraeon Undeb Myfyrwyr Cymraeg ¾«¶«´«Ã½, neu fel dan ni'n ei alw nhw, UMCB – mae rhywbeth at ddant pawb.

Gwna’r mwyaf o dy gyfnod ym Mangor, a mwynha’r profiad!