¾«¶«´«Ã½

Mae ein cyrsiau Drama i gyd yn ymwneud â datgloi dy greadigrwydd. Mi fyddi’n cymryd rhan mewn gweithdai ymarferol, dosbarthiadau meistr, a chyfleoedd cynhyrchu go iawn a fydd yn dy helpu i ddatblygu a mireinio dy sgiliau.

P'un a wyt eisiau gwella dy sgiliau actio, ysgrifennu i’r llwyfan a'r sgrin, archwilio cyfarwyddo, neu fynegi dy weledigaeth trwy berfformio, byddwn yn dy gefnogi bob cam o'r ffordd. Mi fyddi hefyd yn meithrin sgiliau proffesiynol trwy brojectau creadigol o fewn theatr, ffilmiau byrion, radio, datganiadau, a hyd yn oed ysgrifennu creadigol.

Ym Mhrifysgol ¾«¶«´«Ã½, byddi’n ymuno â chymuned glos a gofalgar lle mae cefnogaeth ar gael bob amser. Mae ein staff yn deall sut beth yw gweithio yn y celfyddydau creadigol, maent wedi perfformio eu hunain ac yn dod â'r profiad ymarferol hwnnw i'r ystafell ddosbarth.

Mae dosbarthiadau llai yn golygu ein bod yn dod i dy adnabod yn bersonol, felly fyddi di byth yn teimlo fel wyneb arall yn y dorf. O'r diwrnod cyntaf, mi fyddi’n cael tiwtor personol - academydd sydd yno i helpu gyda chwestiynau yn ymwneud â’r cwrs a heriau personol.

Gall bywyd y tu hwnt i'r ystafell ddosbarth ym Mangor fod yr un mor greadigol â dy astudiaethau. Bydd ein cymdeithasau myfyrwyr ymroddedig yn cynnig cyfle i ti berfformio, cynhyrchu a chysylltu â phobl eraill o’r un anian.

Caru theatr gerdd? Mae BMTS, sef ein cymdeithas theatr gerdd, yn ddelfrydol i berfformwyr a phobl sy’n frwdfrydig am y gelfyddyd. Ydy drama’n mynd â dy fryd? Mae ROSTRA a BEDS yn cynnal dramâu llwyfan drwy gydol y flwyddyn, gan gynnig digon o gyfleoedd i gymryd rhan ar y llwyfan a thu ôl i’r llen.

Cei gyfleoedd i ymarfer a pherfformio mewn mannau gwych megis Pontio, Canolfan Gelfyddydau ac Arloesi'r Brifysgol - sy’n hyb i greadigrwydd yng nghanol dinas ¾«¶«´«Ã½.

Canolfan Gelfyddydau ac Arloesi Pontio yw cartref drama yma ym Mhrifysgol ¾«¶«´«Ã½. Mae'n cynnal sioeau rheolaidd drwy gydol y flwyddyn, o syrcas a chabaret i theatr fyw a dangosiadau sinema dyddiol. Nid lleoliad yn unig yw Pontio; mae'n ofod lle cei fanteisio ar brofiad ymarferol go iawn. Mae myfyrwyr yn cynhyrchu sioeau rheolaidd, a all fod yn gyfle i ti ddatblygu sgiliau actio, dawnsio, cyfarwyddo, ysgrifennu, cyfansoddi, arwain a marchnata.

O fewn Pontio, mae theatr, theatr stiwdio, a sinema, sydd i gyd yn gweithredu fel mannau addysgu hefyd. Mae ein hadeilad Cerddoriaeth yn ychwanegu at y gymysgedd greadigol gyda neuaddau perfformio proffesiynol a nifer o ystafelloedd ymarfer. Mae'r cyfleusterau hyn yn rhoi'r llwyfan perffaith i ti ddysgu, creu a pherfformio.

Rydym yn credu mewn dysgu trwy wneud ym Mhrifysgol ¾«¶«´«Ã½. Dyna pam ein bod yn gweithio'n agos gyda'r diwydiannau creadigol a'n cymuned leol i roi profiad a mewnwelediad o'r byd go iawn i fyfyrwyr. Mae cyflogadwyedd wedi'i wreiddio yn ein cwricwlwm, felly cei ddigon o gyfleoedd i ddatblygu sgiliau ymarferol a pherthnasol sy'n dy baratoi at yrfa yn y dyfodol.

Mae ein staff yn cynnal cysylltiadau cryf â'r diwydiant er mwyn dy helpu i gael mynediad at brofiad gwaith a chyfleoedd rhwydweithio. Mae gennym berthynas agos â Stiwdios Aria, sef stiwdios proffesiynol Rondo yn Ynys Môn, gan roi hyd yn oed mwy o amlygiad i ti i'r diwydiant trwy ymweliadau rheolaidd a phrofiad ymarferol.

Nid perfformio yn unig yw canolbwynt y radd, mae'n ymwneud â meithrin y sgiliau a'r cysylltiadau a fydd yn dy helpu i ffynnu yn y celfyddydau a'r sectorau creadigol.