¾«¶«´«Ã½

Er bod y deunyddiau’n cael eu darparu drwy lwyfan ar-lein, cyflwynir y gwersi eu hunain wyneb yn wyneb gan aelod o staff yr ysgol. Mae pob gwers tua 45-60 munud o hyd ac wedi’i rhannu’n

4 prif gydran:

1. Geiriau'r dydd a Stori'r dydd

2. Gemau sain

3. Gemau sillafu

4. Naratif (ysgrifennu stori)

Mae’r gweithgareddau wedi’u cynllunio’n benodol i ddatblygu sgiliau llythrennedd sy’n hanfodol ar gyfer llwyddiant darllen ac ysgrifennu, gan gynnwys:

• Gwybodaeth sain llythrennau

• Ymwybyddiaeth ffonolegol

• Patrymau sillafu sydd yn benodol i’w hoedran ac i’w iaith

• Geirfa

• Iaith lafar

• Bydd eich plentyn yn cymryd rhan mewn rhaglen sydd wedi’i phrofi’n effeithiol ar gyfer gwella sgiliau iaith a llythrennedd.

• Byddant yn cwblhau straeon a gweithgareddau hwyliog ac addysgol.

• Bydd eu sgiliau llythrennedd a’u hyder yn datblygu.

• Gall y rhaglen helpu disgyblion ag anawsterau llythrennedd i 'ddal i fyny'.

I ddechrau, bydd yr ysgol yn dewis uchafswm o 16 o blant i gymryd rhan yn y rhaglen. Os caiff eich plentyn ei ddewis, byddant yn cael eu dyrannu i un o ddau grŵp:

• Y grŵp arbrofol, sy’n derbyn y rhaglen RILL yn gyntaf

• Y grŵp rheoli, sy’n derbyn yr ymyrraeth yn nes ymlaen

Bydd y grŵp arbrofol yn derbyn y rhaglen RILL yn gyntaf, ac yn cael eu hasesu cyn ac yn syth ar ôl i’r rhaglen cael ei chyflwyno.

Tra bod y grŵp arbrofol yn derbyn y rhaglen, bydd y grŵp rheolydd yn parhau â’r cwricwlwm arferol ac yn cwblhau dau asesiad cyn dechrau’r rhaglen. Bydd y grŵp hwn yn derbyn y rhaglen ar ôl i’r cyflwyniad gyda’r grŵp arbrofol ddod i ben.

Mae cynnwys y grŵp rheolydd (y rhestr aros) yn hanfodol i’r astudiaeth, gan ei fod yn darparu cymhariaeth deg â’r grŵp sy’n derbyn y rhaglen RILL. Drwy gymharu cynnydd y ddau grŵp, gallwn werthuso effaith y rhaglen o’i gymharu â’r cwricwlwm arferol yn unig. Bydd hyn yn ein galluogi i ddeall yn well sut mae RILL yn cyfrannu at ddatblygiad sgiliau darllen a llythrennedd plant.

Ar ôl i’r grŵp arbrofol gwblhau’r rhaglen, bydd y grŵp rhestr aros yn cael cyfle i gymryd rhan.

Os caiff eich plentyn ei ddyrannu i’r grŵp hwn, gofynnwn i’r ysgol sicrhau y bydd y disgyblion yn elwa’n llawn o’r adnoddau RILL unwaith y bydd y treial wedi dod i ben.

Byddwn yn defnyddio sgriniau safonol i asesu lefel sgiliau llythrennedd presennol eich plentyn.

Gweinyddir yr asesiadau hyn ar-lein, dan oruchwyliaeth athro penodedig RILL.

Ar ddiwedd y rhaglen, bydd y tîm yn darparu adroddiad byr ar gynnydd yr ysgolion, gan amlinellu'r meysydd a'r sgiliau sydd wedi gwella fwyaf. Ni fydd yr adroddiad yn cynnwys data unigol am eich plentyn. Bydd yn seiliedig ar gynnydd cyffredinol y grwp. Rydym hefyd yn nodi na fydd yr asesiadau hyn yn cael eu defnyddio fel offer diagnostig i asesu anawsterau llythrennedd.

Yn ystod y prosiect, efallai y byddwn yn gofyn am ychydig o wybodaeth gefndirol. Fodd bynnag, ni fydd hyn yn orfodol ar gyfer cyfranogiad eich plentyn.

Cyfrinachedd: Bydd cyfranogiad eich plentyn yn yr astudiaeth yn cael ei drin yn gwbl gyfrinachol. Bydd ei ddata'n cael ei gyfuno â data cyfranogwyr eraill. Caiff canlyniadau'r

astudiaeth eu cyhoeddi mewn seminarau academaidd, sgyrsiau ymchwil neu bapurau mewn cyfnodolion gwyddonol. Fodd bynnag, bydd yr holl wybodaeth bersonol yn cael ei dileu fel na fydd modd adnabod unigolion yn y cyhoeddiadau hyn.

Preifatrwydd, mynediad at ddata a GDPR: Bydd data eich plentyn yn cael ei storio mewn fformat digidol a rhoddir côd iddo at ddibenion anhysbysrwydd. Bydd data'r astudiaeth, yn cael ei gadw ar rwydwaith cyfrifiadurol wedi’i ddiogelu gan gyfrinair. Dim ond yr ymchwilwyr sy'n ymwneud yn uniongyrchol â dadansoddi’r data fydd yn gwybod y gyfrinair yn hysbys.

Mae’n bosib y caiff y set ddata dienw ei gadw mewn cronfa ddata diogel sydd ar gael i’r cyhoedd, fel y gall gwyddonwyr eraill wirio neu archwilio’r canlyniadau. Ni fydd unrhyw wybodaeth bersonol yn cael ei rhannu.

Bydd mynediad at ddata personol eich plentyn yn gyfyngedig i ymchwilwyr y Tîm RILL. O bryd i’w gilydd, gall staff awdurdodedig ym Mhrifysgol ¾«¶«´«Ã½ ofyn am fynediad at y data at ddibenion archwilio.

Tynnu’n ôl o’r astudiaeth: Os bydd eich plentyn yn penderfynu nad yw’n dymuno cymryd rhan yn y rhaglen (er eich bod chi fel rhiant/gwarcheidwad cyfreithiol wedi rhoi caniatâd), mae ganddyn nhw’r hawl i beidio â chymryd rhan. Os byddwch yn penderfynu tynnu'n ôl o'r astudiaeth, gallwch ofyn am ddileu holl ddata eich plentyn. Gallwch wneud hyn hyd at y pwynt pan fydd set ddata'r astudiaeth wedi’i dadansoddi ar ffurf gwbl ddienw (pan na fydd yn bosibl bellach adnabod data unigol y cyfranogwyr).

Pwy sy'n rhedeg ac yn talu am yr astudiaeth? Mae tîm o ymchwilwyr o dan arweiniad yr

Athro Manon Jones o Brifysgol ¾«¶«´«Ã½ yn cynnal yr astudiaeth, ac fe’i hariannir gan Lywodraeth Cymru.

Pwy sydd wedi adolygu'r astudiaeth? Mae'r astudiaeth wedi cael barn ffafriol gan Bwyllgor

Moeseg Ymchwil a Gymeradwywyd gan Brifysgol ¾«¶«´«Ã½ (ID prosiect:)

E-bost: RILLproject@bangor.ac.uk

Cyfeiriad: Ysgol Seicoleg a Gwyddor Chwaraeon, Adeilad Brigantia, Ffordd Penrallt, ¾«¶«´«Ã½,

Gwynedd LL57 2AS

Dylid cyfeirio unrhyw gwynion ynghylch yr ymchwil hwn at Uwch Swyddog Polisi a

Llywodraethu Ymchwil Prifysgol ¾«¶«´«Ã½, Gwasanaethau Llywodraethu, ¾«¶«´«Ã½; e-bost:

seniorresearchgovofficer@bangor.ac.uk.