¾«¶«´«Ã½

Noder: Mae ein Diwrnod Ymweld Clirio a'r Diwrnod Agored ar gyfer ymgeiswyr Clirio wedi bod. Os hoffech ymweld â'r Brifysgol cyn cychwyn yma ym Medi, ebostiwch diwrnodagored@bangor.ac.uk i drefnu.

Ar y dudalen hon, fe welwch wybodaeth ar gyfer ymgeiswyr israddedig sy’n ystyried Prifysgol ¾«¶«´«Ã½ trwy'r system Glirio ac sy’n dymuno ymweld â’r campws. Mae’n rhoi trosolwg o Ddiwrnod Ymweld Clirio, y Diwrnod Agored ar gyfer ymgeiswyr Clirio, a sut i fynychu'r digwyddiadau yma.

Os oes gennych chi ddiddordeb mewn dod i astudio yma, rydym yn eich hannog i ymweld â ni. Wrth ymweld â'r campws, cewch flas go iawn o fywyd myfyriwr yma a chael cyfle i ymgyfarwyddo ag adeiladau’r Brifysgol a dinas ¾«¶«´«Ã½. Rydym yn edrych ymlaen at eich gweld.

Gall ymweld â’r Brifysgol eich helpu i deimlo’n hyderus cyn derbyn eich cynnig Clirio a’ch paratoi ar gyfer dechrau yn y Brifysgol. Mae llawer o fyfyrwyr yn dweud bod gweld y Brifysgol wedi’u helpu i deimlo’n sicr eu bod yn gwneud y dewis iawn. Drwy ymweld â Phrifysgol ¾«¶«´«Ã½ yn bersonol, gallwch gael teimlad o’r lle a phenderfynu a allwch chi ddychmygu byw ac astudio yma. Ar ôl ymweld â’r campws, gobeithiwn y byddwch yn teimlo’n dawel eich meddwl ynglÅ·n â dechrau ym Mhrifysgol ¾«¶«´«Ã½ ym mis Medi.

• Gofyn cwestiynau am eich cwrs i ddarlithwyr a myfyrwyr, er enghraifft modiwlau sydd ar gael, oriau addysgu ac asesu, a sut mae’r cwrs yn eich paratoi ar gyfer gyrfa
• Cael atebion i unrhyw gwestiynau sy’n ymwneud â'r system Glirio, er enghraifft gofynion mynediad a’r camau nesaf, cyllid myfyrwyr, bwrsariaethau a chyllidebu, a chymorth ar gyfer iechyd meddwl, anableddau neu wahaniaethau dysgu
• Profi bywyd myfyrwyr cyn ichi gyrraedd, er enghraifft taith o amgylch gofodau addysgu, llyfrgelloedd ac ardaloedd cymdeithasol, gweld y llety, ac archwilio’r ardal leol a’r cyffiniau