¾«¶«´«Ã½

Cwrs Mandarin HSK 2 (Sylfaenol)

Mae Sefydliad Confucius Prifysgol ¾«¶«´«Ã½ yn cynnig cwrs Mandarin HSK 2 ar-lein drwy Zoom, wedi’i gynllunio ar gyfer dysgwyr sydd wedi cwblhau HSK 1 (fersiwn 3.0).

Sylwer fod HSK 1 fersiwn 2.0 wedi dilyn cwricwlwm hŷn gyda llai o ofynion. Mae croeso i ddysgwyr a gwblhaodd HSK 1 o dan y system gynharach hon gofrestru o hyd; fodd bynnag, gall y broses ddysgu fod ychydig yn fwy heriol oherwydd yr eirfa ehangach a’r disgwyliadau iaith uwch yn y fframwaith HSK wedi’i ddiweddaru.

Mae’r cwrs wedi’i rannu’n ddwy ran (A a B), pob un yn para 10 wythnos. Gallwch gofrestru ar gyfer un rhan neu gwblhau’r ddwy.

Ffi’r cwrs llawn (Rhan A a B): £120

HSK 2 Rhan A

• Dyddiadau: 6 Hydref – 8 Rhagfyr 2026
• Amser: Dydd Mawrth, 7.15–8.40 pm (10 sesiwn)
• Ffi: £60
• Rhagofyniad: HSK 1 (fersiwn 3.0)

HSK 2 Rhan B

• Dyddiadau: 12 Ionawr – 16 Mawrth 2027
• Amser: Dydd Mawrth, 7.15–8.40 pm (10 sesiwn)
• Ffi: £60
• Rhagofyniad: Cwblhau HSK 2 Rhan A

Beth fyddwch yn ei ddysgu

• Ehangu eich sgiliau gwrando, siarad, darllen ac ysgrifennu drwy gyfathrebu ymarferol.
• Dysgu 200 o nodau Tsieineaidd newydd, gan gyrraedd cyfanswm cronnol o 500 o nodau a adnabyddir, a pharhau i ddatblygu eich sgiliau adnabod ac ysgrifennu nodau.
• Cynhyrchu brawddegau ysgrifenedig syml a negeseuon byr gan ddefnyddio gramadeg ac eirfa briodol.
• Cyfathrebu'n hyderus mewn sefyllfaoedd bob dydd, gan gynnwys siopa, teithio, iechyd, y tywydd, gwaith, a gofyn am gymorth.
• Datblygu'r sgiliau iaith integredig sydd eu hangen ar gyfer arholiad HSK 2 (fersiwn 3.0). 

Deilliannau dysgu

Erbyn diwedd y cwrs, byddwch yn gallu cyfathrebu'n fwy hyderus mewn ystod ehangach o sefyllfaoedd bob dydd, darllen ac ysgrifennu testunau Tsieineaidd syml, a chymhwyso gramadeg hanfodol yn gywir mewn Mandarin llafar ac ysgrifenedig. Byddwch wedi datblygu'r sgiliau gwrando, darllen ac ysgrifennu sydd eu hangen ar gyfer arholiad HSK 2 (fersiwn 3.0) a byddwch yn barod i symud ymlaen i HSK 3.

Mae ein cyrsiau'n dilyn y maes llafur HSK 3.0 diweddaraf, sy'n rhoi mwy o bwyslais ar gyfathrebu ymarferol a datblygiad integredig sgiliau gwrando, siarad, darllen ac ysgrifennu. Mae'r gwersi wedi'u cynllunio i helpu dysgwyr i ddefnyddio Mandarin yn hyderus mewn sefyllfaoedd bywyd go iawn wrth baratoi ar gyfer arholiad HSK.

Rydym yn argymell tua 4 awr o astudio annibynnol yr wythnos.

Deunyddiau a Mynediad

• Darperir deunyddiau dysgu gan y tiwtor (ac eithrio'r gwerslyfrau a argymhellir).
• Cynhelir y gwersi ar Zoom (angen cyfrif am ddim)
• Bydd y tiwtor yn anfon y ddolen Zoom ar ôl cofrestru

Cymorth Ychwanegol

Bydd cwrs adolygu dwys (Mai–Mehefin 2027) ar gael i’r rhai sy’n paratoi ar gyfer arholiad HSK 2.

Gwybodaeth Bwysig

Nid yw ffioedd y cwrs yn ad-daladwy ar ôl i’r cwrs ddechrau.

Cwrs Mandarin HSK 3 (Sylfaenol)

Mae Sefydliad Confucius Prifysgol ¾«¶«´«Ã½ yn cynnig cwrs Mandarin HSK 3 ar-lein drwy Zoom, wedi’i gynllunio ar gyfer dysgwyr sydd wedi cwblhau HSK 2 (fersiwn 3.0).

Sylwer fod HSK 2 fersiwn 2.0 wedi dilyn cwricwlwm hŷn gyda llai o ofynion. Mae croeso i ddysgwyr a gwblhaodd HSK 2 o dan y system gynharach hon gofrestru o hyd; fodd bynnag, gall y broses ddysgu fod ychydig yn fwy heriol oherwydd yr eirfa ehangach a’r disgwyliadau iaith uwch yn y fframwaith HSK wedi’i ddiweddaru.

Mae’r cwrs wedi’i rannu’n ddwy ran (A a B), pob un yn para 10 wythnos. Gallwch gofrestru ar gyfer un rhan neu gwblhau’r ddwy.

Ffi’r cwrs llawn (Rhan A a B): £160

HSK 3 Rhan A

• Dyddiadau: 7 Hydref – 9 Rhagfyr 2026
• Amser: Dydd Mercher, 6.00–8.00 pm (2 awr, gan gynnwys egwyl fer)
• Ffi: £80
• Rhagofyniad: HSK 2 (fersiwn 3.0)

HSK 3 Rhan B

• Dyddiadau: 13 Ionawr – 17 Mawrth 2027
• Amser: Dydd Mawrth, 6.00–8.00 pm (2 awr, gan gynnwys egwyl fer)
• Ffi: £80
• Rhagofyniad: Cwblhau HSK 3 Rhan A

Beth fyddwch yn ei ddysgu

• Datblygu sgiliau gwrando, siarad, darllen ac ysgrifennu ôl-sylfaenol ar gyfer cyfathrebu bob dydd.
• Dysgu 500 o eiriau newydd, gan gyrraedd cyfanswm cronnol o tua 1,000 o eiriau erbyn diwedd HSK Lefel 3.
• Adnabod cyfanswm cronnol o 655 o nodau Tsieineaidd ac ysgrifennu cyfanswm cronnol o 250 o nodau Tsieineaidd, gan fodloni gofynion swyddogol HSK 3.0.
• Datblygu'r gallu i ysgrifennu testunau byr cysylltiedig, disgrifio profiadau, a chwblhau tasgau ysgrifennu ymarferol.
• Datblygu hyder wrth drafod bywyd bob dydd, teithio, astudio, siopa, digwyddiadau, profiadau, sgyrsiau ffôn, a chynlluniau ar gyfer y dyfodol.
• Cryfhau gwybodaeth ramadegol a gwella rhuglder mewn Mandarin llafar ac ysgrifenedig.
• Datblygu'r sgiliau cyfathrebu integredig sydd eu hangen ar gyfer arholiad HSK 3 (fersiwn 3.0). 

Deilliannau dysgu

Erbyn diwedd y cwrs, byddwch yn gallu cyfathrebu'n effeithiol mewn ystod eang o sefyllfaoedd bob dydd gan ddefnyddio Mandarin llafar ac ysgrifenedig cysylltiedig. Byddwch yn gallu deall testunau hirach, ysgrifennu darnau byr, a mynegi syniadau yn fwy naturiol ac yn fwy cywir. Byddwch wedi datblygu'r sgiliau gwrando, siarad, darllen ac ysgrifennu sydd eu hangen ar gyfer arholiad HSK 3 (fersiwn 3.0) a byddwch yn barod i symud ymlaen i HSK 4.

Mae ein cyrsiau'n dilyn y maes llafur HSK 3.0 diweddaraf, sy'n rhoi mwy o bwyslais ar gyfathrebu ymarferol a datblygiad integredig sgiliau gwrando, siarad, darllen ac ysgrifennu. Mae'r gwersi wedi'u cynllunio i helpu dysgwyr i ddefnyddio Mandarin yn hyderus mewn sefyllfaoedd bywyd go iawn wrth baratoi ar gyfer arholiad HSK.

Rydym yn argymell tua 5 awr o astudio annibynnol yr wythnos.

Deunyddiau a Mynediad

• Darperir deunyddiau dysgu gan y tiwtor (ac eithrio'r gwerslyfrau a argymhellir).
• Cynhelir y gwersi ar Zoom (angen cyfrif am ddim)
• Bydd y tiwtor yn anfon y ddolen Zoom ar ôl cofrestru

Cymorth Ychwanegol

Bydd cwrs adolygu dwys (Mai–Mehefin 2027) ar gael i’r rhai sy’n paratoi ar gyfer arholiad HSK 3.

Gwybodaeth Bwysig

Nid yw ffioedd y cwrs yn ad-daladwy ar ôl i’r cwrs ddechrau.

Cwrs Mandarin HSK 5 (Canolradd)

Mae Sefydliad Confucius Prifysgol ¾«¶«´«Ã½ yn cynnig cwrs Mandarin HSK 5 ar-lein drwy Zoom, wedi’i gynllunio ar gyfer dysgwyr sydd wedi cwblhau HSK 4 (fersiwn 3.0).

Sylwer fod HSK 4 fersiwn 2.0 wedi dilyn cwricwlwm hŷn gyda llai o ofynion. Mae croeso i ddysgwyr a gwblhaodd HSK 4 o dan y system gynharach hon gofrestru o hyd; fodd bynnag, gall y broses ddysgu fod ychydig yn fwy heriol oherwydd yr eirfa ehangach a’r disgwyliadau iaith uwch yn y fframwaith HSK wedi’i ddiweddaru.

Mae’r cwrs wedi’i rannu’n ddwy ran (A a B), pob un yn para 10 wythnos. Gallwch gofrestru ar gyfer un rhan neu gwblhau’r ddwy.

Ffi’r cwrs llawn (Rhan A a B): £300

HSK 5 Rhan A

• Dyddiadau: 5 Hydref – 16 Rhagfyr 2026
• Amser: Dydd Llun a Dydd Mercher, 6.00–8.00 pm (2 awr, gan gynnwys egwyl fer)
• Ffi: £150
• Rhagofyniad: HSK 4 (fersiwn 3.0)

HSK 5 Rhan B

• Dyddiadau: 11 Ionawr – 24 Mawrth 2027
• Amser: Dydd Llun a Dydd Mercher, 6.00–8.00 pm (2 awr, gan gynnwys egwyl fer)
• Ffi: £150
• Rhagofyniad: Cwblhau HSK 5 Rhan A

Beth fyddwch yn ei ddysgu

• Datblygu sgiliau gwrando, siarad, darllen ac ysgrifennu ar lefel ganolradd drwy gyfathrebu dilys.
• Dysgu tua 1,600 o eiriau cyffredin newydd, gan gyrraedd cyfanswm cronnol o tua 3,600 o eiriau erbyn diwedd HSK Lefel 5.
• Adnabod tua 1,257 o nodau Tsieineaidd ac ysgrifennu tua 550 o nodau.
• Cryfhau gramadeg uwch a strwythurau brawddegau er mwyn cyfathrebu'n gywir ac yn rhugl.
• Darllen erthyglau, adroddiadau a thestunau hirach dilys gyda mwy a mwy o annibyniaeth.
• Ysgrifennu traethodau cydlynol, crynodebau, disgrifiadau a darnau sy'n mynegi barn gan ddefnyddio geirfa a gramadeg priodol.
• Datblygu'r hyder i drafod pynciau cymhleth, egluro syniadau, cyfiawnhau barn, a chrynhoi gwybodaeth.  
• Datblygu'r sgiliau iaith integredig sydd eu hangen ar gyfer arholiad HSK 5 (fersiwn 3.0). 

Deilliannau dysgu

Erbyn diwedd y cwrs, byddwch yn gallu cyfathrebu'n hyderus ac yn effeithiol mewn ystod eang o sefyllfaoedd personol, academaidd a phroffesiynol, yn enwedig mewn cyd-destunau gwaith ac astudio. Byddwch yn gallu deall deunyddiau ysgrifenedig dilys, cynhyrchu testunau ysgrifenedig wedi'u strwythuro'n dda, crynhoi gwybodaeth, a mynegi a chyfiawnhau eich barn yn glir yn Mandarin. Byddwch wedi datblygu'r sgiliau gwrando, siarad, darllen ac ysgrifennu sydd eu hangen ar gyfer arholiad HSK 5 (fersiwn 3.0) a byddwch wedi eich paratoi'n dda ar gyfer arholiad HSK 5 neu astudiaeth bellach ar lefel uwch.

Mae ein cyrsiau'n dilyn y maes llafur HSK 3.0 diweddaraf, sy'n rhoi mwy o bwyslais ar gyfathrebu ymarferol a datblygiad integredig sgiliau gwrando, siarad, darllen ac ysgrifennu. Mae'r gwersi wedi'u cynllunio i helpu dysgwyr i ddefnyddio Mandarin yn hyderus mewn sefyllfaoedd bywyd go iawn wrth baratoi ar gyfer arholiad HSK.

Rydym yn argymell tua 8 awr o astudio annibynnol yr wythnos.

Deunyddiau a Mynediad

• Darperir deunyddiau dysgu gan y tiwtor (ac eithrio'r gwerslyfrau a argymhellir).
• Cynhelir y gwersi ar Zoom (angen cyfrif am ddim)
• Bydd y tiwtor yn anfon y ddolen Zoom ar ôl cofrestru

Cymorth Ychwanegol

Bydd cwrs adolygu dwys (Mai–Mehefin 2027) ar gael i’r rhai sy’n paratoi ar gyfer arholiad HSK 5.

Gwybodaeth Bwysig

Nid yw ffioedd y cwrs yn ad-daladwy ar ôl i’r cwrs ddechrau.

A ydych yn gobeithio sefyll arholiad HSK 1 ond yn ansicr sut i baratoi? Mae Sefydliad Confucius Prifysgol ¾«¶«´«Ã½ yn cynnig cwrs 5 wythnos AR-LEIN i baratoi at arholiadau a fydd yn dechrau Mai 2027.

Manylion y cwrs: 

Dyddiadau'r cwrs: IG 2027

Rhagofynion: Cwrs HSK 1

Ffi: 

* Am ddim i fyfyrwyr sydd wedi cofrestru ar y cwrs HSK 1 cyfredol a'r rhai sydd wedi cofrestru i sefyll arholiad HSK 1 trwy Sefydliad Confucius ym Mangor.

Disgrifiad o'r Cwrs: Dyma gwrs Mandarin sy'n addas i fyfyrwyr a gwblhaodd gyrsiau HSK 1 sydd bellach yn paratoi i sefyll arholiad HSK 1. Bydd ein Tiwtor yn canolbwyntio ar feistroli’r eirfa 150 gair yn systematig drwy adolygu strwythurau brawddegau a chwestiynau a rhoi adborth ac anogaeth!

Erbyn diwedd y cwrs hwn, dylai myfyrwyr fod yn barod i basio arholiad HSK 1.

Rydym yn argymell bod y myfyrwyr yn gwneud o leiaf 2 awr o astudio annibynnol bob wythnos i sicrhau bod y myfyrwyr yn gallu dilyn cyflymder y cwrs.

Y Deilliannau Dysgu:

• cynefindra â strwythur arholiadau HSK 1 a mathau o gwestiynau
• meistrolaeth ar ramadeg a geirfa HSK 1
• hyder mewn dysgu hunan-gyfeiriedig

Y Deunyddiau Dysgu: Caiff yr holl ddeunyddiau addysgu eu datblygu gan ein hathrawon gan ddefnyddio cwrs safonol HSK 1 a ffynonellau ychwanegol. Darperir yr holl ddeunyddiau dysgu.

Dolen ymuno: Ar ôl cofrestru (isod), bydd eich tiwtor cwrs yn cysylltu â chi drwy ddolen cyfarfod Zoom. Cofrestrwch gyda Zoom i gael eich cyfrif am ddim.

A ydych yn gobeithio sefyll arholiad HSK 2 ond yn ansicr sut i baratoi? Mae Sefydliad Confucius Prifysgol ¾«¶«´«Ã½ yn cynnig cwrs 5 wythnos AR-LEIN i baratoi at arholiadau a fydd yn dechrau  Mai 2027.

Manylion y cwrs: 

Dyddiadau'r cwrs: IG 2027

Rhagofynion: Cwrs HSK 2

Ffi: 

* Am ddim i fyfyrwyr sydd wedi cofrestru ar y cwrs HSK 2 cyfredol a'r rhai sydd wedi cofrestru i sefyll arholiad HSK 2 trwy Sefydliad Confucius ym Mangor.

Disgrifiad o'r Cwrs: Dyma gwrs Mandarin sy'n addas i fyfyrwyr a gwblhaodd gyrsiau HSK 1 a HSK 2 sydd bellach yn paratoi i sefyll arholiad HSK 2. Bydd ein Tiwtor yn canolbwyntio ar feistroli’r 349 nod yn systematig, sefydlu geirfa o 300 o eiriau Tsieinëeg a ddefnyddir mewn cyd-destunau beunyddiol, a chynnig adborth ac anogaeth!

Erbyn diwedd y cwrs hwn, dylai myfyrwyr fod yn barod i basio arholiad HSK 2.

Rydym yn argymell bod y myfyrwyr yn gwneud o leiaf 2 awr o astudio annibynnol bob wythnos i sicrhau bod y myfyrwyr yn gallu dilyn cyflymder y cwrs.

Y Deilliannau Dysgu:

• cynefindra â strwythur arholiadau HSK 2 a mathau o gwestiynau
• meistrolaeth ar ramadeg a geirfa HSK 2
• hyder mewn dysgu hunan-gyfeiriedig

Y Deunyddiau Dysgu: Caiff yr holl ddeunyddiau addysgu eu datblygu gan ein hathrawon gan ddefnyddio cwrs safonol HSK 2 a ffynonellau ychwanegol. Darperir yr holl ddeunyddiau dysgu.

Dolen ymuno: Ar ôl cofrestru (isod), bydd eich tiwtor cwrs yn cysylltu â chi drwy ddolen cyfarfod Zoom. Cofrestrwch gyda Zoom i gael eich cyfrif am ddim.

Mae Sefydliad Confucius Prifysgol ¾«¶«´«Ã½ yn cynnig cwrs Mandarin AR-LEIN AM DDIM trwy Zoom i baratoi at arholiad. Bydd y cwrs ar gael mewn rhannau dros 5 wythnos (awr a hanner yr wythnos).

Sesiynau: 

Dyddiad dechrau: IG 2027

Rhagofynion: HSK 1, HSK 2, HSK 3

Ffioedd: 

* Am ddim i fyfyrwyr sydd wedi cofrestru ar y cwrs HSK 3 cyfredol a'r rhai sydd wedi cofrestru i sefyll arholiad HSK 3 trwy Sefydliad Confucius ym Mangor.

Disgrifiad o'r Cwrs: Mae'r cwrs Mandarin hwn yn addas ar gyfer myfyrwyr a gwblhaodd gyrsiau HSK 1, HSK 2, a HSK 3 ac sydd bellach yn barod i adolygu a pharatoi i sefyll arholiad HSK 3. Bydd ein tiwtor yn canolbwyntio ar eich cynorthwyo i feistroli tua 600 o nodau/geiriau yn systematig i sefydlu geirfa o dros 600 gair. Byddwch yn meithrin gwybodaeth gadarnach o’r pwyntiau gramadegol a ddefnyddiwyd yn y tri llyfr HSK cyntaf, ac yn cymryd rhan mewn ymarferion gwrando a deall mwy cymhleth mewn Mandarin.

Erbyn diwedd y cwrs hwn, dylai myfyrwyr fod yn barod i basio’r arholiad HSK 3.

Rydym yn argymell bod myfyrwyr yn gwneud o leiaf awr o astudio annibynnol bob dydd i sicrhau eu bod yn gallu dilyn cyflymder y cwrs.

Deilliannau dysgu: Yn gyfarwydd â strwythur arholiadau HSK3 a’r mathau o gwestiynau; dealltwriaeth fwy manwl o ramadeg a geirfa Tsieinëeg; hyder mewn dysgu iaith Tsieineaidd ar eu liwt eu hunain.

Deunyddiau dysgu: Mae'r holl ddeunyddiau addysgu yn cael eu datblygu gan ein hathrawon gan ddefnyddio cwrs safonol HSK 3 a ffynonellau ychwanegol. Darperir yr holl ddeunyddiau dysgu yn ystod y cwrs.

Lleoliad ar-lein: Ar ôl i chi lenwi'r ffurflen gofrestru (isod) bydd tiwtor eich cwrs yn cysylltu â chi gyda chyswllt cyfarfod Zoom eich gwers.  Bydd angen i chi gofrestru gyda Zoom i greu cyfrif rhad ac am ddim.

Mae Sefydliad Confucius Prifysgol ¾«¶«´«Ã½ yn cynnig cwrs Mandarin AR-LEIN AM DDIM trwy Zoom i baratoi at arholiad. Bydd y cwrs ar gael mewn rhannau dros 5 wythnos (awr a hanner yr wythnos).

Sesiynau:

Dyddiad dechrau: IG 2027

Rhagofynion: HSK 1, HSK 2, HSK 3, HSK 4

Ffioedd: 

* Am ddim i fyfyrwyr sydd wedi cofrestru ar y cwrs HSK 4 cyfredol a'r rhai sydd wedi cofrestru i sefyll arholiad HSK 4 trwy Sefydliad Confucius ym Mangor.

Disgrifiad o'r Cwrs: Dyma gwrs Mandarin sy'n addas i fyfyrwyr a gwblhaodd gyrsiau HSK 1, HSK 2, HSK 3 ac HSK 4 ac sydd bellach yn barod i adolygu a pharatoi i sefyll arholiad HSK 4. Bydd ein tiwtor yn canolbwyntio ar feistroli’n systematig tua 1200 o gymeriadau/geiriau Tsieineaidd a ddefnyddir mewn cyd-destunau bob dydd, deall y strwythurau gramadeg a ddysgwyd o’r gwersi blaenorol, cynnal ymarferion a sgyrsiau gwrando a deall mwy cymhleth, a chyfathrebu ehangach mewn Mandarin gyda dywediadau cyffredin neu ymadroddion diwylliannol.

Erbyn diwedd y cwrs hwn, dylai myfyrwyr fod yn barod i basio arholiad HSK 4.

Rydym yn argymell bod y myfyrwyr yn gwneud o leiaf awr o astudio annibynnol bob dydd i sicrhau eu bod yn gallu cadw at gyflymder y cwrs.

Deilliannau dysgu: Yn gyfarwydd â strwythur arholiadau HSK4 a’r mathau o gwestiynau; dealltwriaeth fwy manwl o ramadeg, geirfa, ac ymadroddion cyffredin Tsieinëeg; hyder mewn dysgu iaith Tsieineaidd ar eu liwt eu hunain.

Deunyddiau dysgu: Caiff yr holl ddeunyddiau addysgu eu datblygu gan ein hathrawon gan ddefnyddio cwrs safonol HSK 4 a ffynonellau ychwanegol. Darperir yr holl ddeunyddiau dysgu yn ystod y cwrs.

Lleoliad ar-lein: Ar ôl i chi lenwi'r ffurflen gofrestru (isod) bydd tiwtor eich cwrs yn cysylltu â chi gyda chyswllt cyfarfod Zoom eich gwers.  Bydd angen i chi gofrestru gyda Zoom i greu cyfrif am ddim.

Archwiliwch Fyd Cymeriadau Tsieineaidd – Cyfres Cwrs Ar-lein Dwy Ran

Ymunwch â Sefydliad Confucius Prifysgol ¾«¶«´«Ã½ ar gyfer cwrs ar-lein dwy ran sydd wedi’i strwythuro’n ofalus i’ch tywys gam wrth gam drwy fyd diddorol cymeriadau Tsieineaidd (Hanzi). Yn ymestyn dros ddau semester, mae’r rhaglen hon yn cefnogi eich cynnydd o lefel dechreuwr (HSK 1) i lefel ganolradd gynnar (HSK 2), gan adeiladu hyder a dealltwriaeth ar hyd y daith.

P’un a ydych yn gwbl newydd i’r iaith Tsieineaidd neu’n dymuno cryfhau eich sylfaen, mae’r cwrs hwn yn cynnig profiad dysgu cefnogol a difyr.

Pam dysgu cymeriadau Tsieineaidd?

Nid system ysgrifennu yn unig yw cymeriadau Tsieineaidd, ond hefyd ffenestr i ddiwylliant, hanes ac ystyr. Mae eu dysgu yn gwella cof, adnabod gweledol a chanolbwyntio, tra’n cynnig gwerthfawrogiad dyfnach o sut mae’r iaith wedi datblygu dros amser.

Strwythur y Cwrs

Rhan 1 – Cymeriadau Tsieineaidd ar gyfer HSK 1 (Semester 1)
Cyflwyniad ysgafn a hygyrch i hanfodion ysgrifennu Tsieineaidd.

• Dyddiadau: Dydd Llun, 5 Hydref – 7 Rhagfyr 2026
• Mathau sylfaenol o gymeriadau Tsieineaidd
• Strôciau hanfodol a’r drefn strôc gywir
• Y cymeriadau craidd sydd eu hangen ar gyfer HSK 1
• Datblygu adnabod cymeriadau a hyder wrth ysgrifennu

Rhan 2 – Cymeriadau Tsieineaidd ar gyfer HSK 2 (Semester 2)
Parhad naturiol sy’n ehangu eich gwybodaeth a’ch rhuglder.

• Dyddiadau: Dydd Llun, 11 Ionawr – 15 Mawrth 2027
• Atgyfnerthu cymeriadau HSK 1
• Cyflwyniad i gymeriadau ychwanegol ar gyfer HSK 2
• Datblygu cywirdeb darllen ac ysgrifennu
• Deall cyfuniadau cymeriadau a’u hystyr

Manylion y Cwrs

• Amserlen: Dydd Llun am 6:30 pm (ar-lein drwy Zoom)
• Hyd: 10 wythnos y semester (50 munud y sesiwn)
• Ffi: Am ddim

Beth fyddwch yn ei ennill

Erbyn diwedd y cwrs dwy ran, byddwch wedi adeiladu sylfaen gadarn mewn cymeriadau Tsieineaidd sy’n cyd-fynd â HSK 1 a HSK 2, gan roi’r hyder i barhau â’ch taith dysgu Mandarin.

Deunyddiau Dysgu

Mae’r holl ddeunyddiau wedi’u dylunio’n ofalus ac yn cael eu darparu gan ein tiwtor profiadol. Ar ôl cofrestru, byddwch yn derbyn y ddolen Zoom a manylion y cwrs yn uniongyrchol.

Dechreuwch eich taith i mewn i harddwch cymeriadau Tsieineaidd a gwyliwch eich sgiliau’n tyfu gam wrth gam.

Cabolwch Eich Sgiliau Siarad Tsieinëeg yn y Gornel Tsieineaidd!

Ymunwch â'n sesiynau rhyngweithiol ar-lein ar Teams i ymarfer eich sgiliau llafar Tsieinëeg mewn amgylchedd hamddenol ac anffurfiol!

Sesiynau i Ddechreuwyr/Dysgwyr Canolradd Isel

• Dyddiadau: 13 Hydref 2026
• Dydd: Pob nos Fawrth
• Amser: 6:30pm - 7:30pm

Sesiynau i Ddysgwyr Canolradd/Uwch:

• Dyddiadau: 15 Hydref 2026
• Dydd: Pob nos Iau
• Amser: 6:30pm - 7:30pm

Yr Hyn a Gynigiwn:

• Yn Rhad ac am Ddim: Dim cost o gwbl!
• Wedi'i Deilwra ar gyfer Eich Lefel Chi: P'un a ydych chi newydd ddechrau neu'n gobeithio mireinio eich sgiliau, mae gennym sesiynau ar gyfer dechreuwyr hyd at ddysgwyr uwch.
• Cyd-destun Anffurfiol: Ymlaciwch a sgwrsio gyda chyd-ddysgwyr.
• Dolenni Cyfarfodydd TEAMS: Ar ôl cofrestru byddwch yn derbyn dolenni i'r cyfarfodydd perthnasol.

Peidiwch â cholli'r cyfle hwn i roi hwb i'ch medrusrwydd yn siarad Tsieinëeg! 

Bydd y cofrestru yn agor ym mis Hydref 2026.