Rwyf yn fy mhedwaredd flwyddyn o raglen PhD gymhwysol yn y Sefydliad Seicoleg Perfformiad Elît ym Mhrifysgol ¾«¶«´«Ã½, yn gweithio mewn cydweithrediad â Chlwb Pêl-droed Manchester City. Rwy'n gyfrifol am ymgymryd ag ymchwil academaidd i ddatblygu ein dealltwriaeth o'r llwybrau lluosog sy'n rhagweld perfformiad o dan bwysau, ochr yn ochr â darparu argymhellion seicoleg sy'n seiliedig ar dystiolaeth i hyfforddwyr a staff (yn bennaf) yn y Cyfnod Datblygu Sylfaen.
Wrth weithio gyda hyfforddwyr elît neu aelodau o Dimau Amlddisgyblaethol, rwy'n dibynnu ar y wybodaeth a'r sgiliau rwyf wedi eu datblygu wrth ymchwilio i berfformiad dan bwysau i gyflwyno argymhellion seicoleg gymhwysol sy'n seiliedig ar dystiolaeth.
Yr her anoddaf yn ystod fy PhD fu gweithio ym Manceinion – i ffwrdd o gyswllt rheolaidd ac uniongyrchol â fy nhîm goruchwylio. Fodd bynnag, mae'r gefnogaeth rwyf wedi ei derbyn, boed ar-lein neu wyneb yn wyneb wrth deithio i'r brifysgol, wedi bod yn wych.
Mae fy nhîm goruchwylio yn hynod wybodus ac yn barod i siarad bob amser. Eu harweiniad a'u cefnogaeth yw'r rheswm pam rwy'n dod i'r amlwg fel academydd ifanc, cymwys gyda phrofiad cymhwysol sylweddol. Byddwn yn argymell yn gryf i unrhyw fyfyriwr sy'n angerddol am seicoleg chwaraeon astudio yn y Sefydliad Seicoleg Perfformiad Elît ym Mhrifysgol ¾«¶«´«Ã½.
