¾«¶«´«Ã½

Ailddefnyddio yn y Brifysgol

Y brifysgol yn mabwysiadu WarpIt, sef llwyfan ar gyfer rhannu ac ailddefnyddio adnoddau swyddfa a labordy

Mae'r brifysgol wedi cofrestru i ddefnyddio WarpIt, sef llwyfan ar-lein ar gyfer ailddosbarthu adnoddau. Cafodd y llwyfan ei gynllunio i helpu staff i ganfod, rhoi i ffwrdd ac ailddefnyddio dodrefn swyddfa, offer labordy ac eitemau eraill, a hynny i gyd am ddim!

Ers dechrau defnyddio’r llwyfan hwn y llynedd, mae'r brifysgol wedi llwyddo i osgoi gwaredu bron i 7 tunnell o asedau ac wedi arbed dros £48,000 mewn costau caffael. Wrth ddefnyddio’r llwyfan hwn, mae staff nid yn unig yn helpu'r brifysgol i leihau gwastraff ac arbed arian ond hefyd yn creu cyfleoedd i gydweithwyr gael mynediad at yr adnoddau maen nhw eu hangen.

Sut mae WarpIt yn gweithio?

Mae WarpIt yn syml i'w ddefnyddio. Oes gennych chi ddesg, cadair, neu ddarn arall o offer yn hel llwch? Rhowch nhw ar WarpIt i ddod o hyd i gartref newydd iddyn nhw yn hytrach na’u hanfon i safle tirlenwi. Oes arnoch chi angen rhywbeth ar gyfer eich swyddfa neu labordy? Porwch trwy beth mae staff eraill wedi’u rhestru i weld beth sydd ar gael cyn prynu unrhyw beth. Mae'n gynaliadwy, yn gost-effeithiol, ac yn gyfleus!

Cofrestrwch nawr yn a mynd ati i ailddosbarthu adnoddau.

British Heart Foundation Cymru (BHF) a'r Neuaddau Preswyl

British Heart Foundation Cymru yw partner ailddefnyddio Neuaddau Preswyl Prifysgol ¾«¶«´«Ã½. Buom yn gweithio gyda BHF ers rhai blynyddoedd i gynyddu rhoddion ac eitemau i’w hailddefnyddio, a chefnogi elusen sy'n gweithio'n ddyfal i wella iechyd y genedl.

Mae dau fanc rhoddion parhaol ym Mhentref Myfyrwyr Ffriddoedd ac un banc ym Mhentref Myfyrwyr y Santes Fair, sydd yno drwy gydol y flwydd lle gall myfyrwyr roi dillad, manion bethau, DVDau, CDau, llyfrau ac ati nad oes arnynt eu heisiau yn. Mae ‘Ymgyrch Gormod i’w Bacio' sy'n digwydd ar ddiwedd y tymor, yn hyrwyddo ailddefnyddio ac yn annog myfyrwyr i roi eu heiddo di-angen i’r elusen yn hytrach nag yn y bin. Dyna yw nôd 'Ymgyrch Ailddefnyddio ac Ailgylchu’ diwedd y tymor hefyd a’r gobaith yw y byddwn yn gallu ymestyn yr ymgyrch hon i'r gymuned yn y dyfodol.

Mae BHF hefyd yn gweithio gyda'r Brifysgol ar ymgyrchoedd a digwyddiadau amrywiol fel ‘Wythnos Am Wastraff’, ‘O'r Neuaddau i'r Cartref’, ac ‘Ymgyrch Ailddefnyddio ac Ailgylchu’ diwedd tymor. Trefnir sesiynau hyfforddi adfywio’r galon a’r ysgyfaint (CPR) hefyd gan BHF a Campws Byw. Mae’r sesiynau’n rhad ac am ddim i'r myfyrwyr.

Mae Adroddiad ‘Gormod i’w Bacio’ 2018 Prifysgol ¾«¶«´«Ã½ a BHF ar gael yma.

Ail-lenwi ac Arlwyo

Mae'r Prifysgol yn 'Brifysgol Ail-lenwi'. Mae hyn yn golygu y gallwch lenwi eich potel ddŵr dro ar ôl tro yn y mannau arlwyo sydd ar y campws.

Anogir yr holl staff a myfyrwyr i ddod â'u cwpanau ailddefnyddiadwy eu hunain wrth brynu diodydd yn ein mannau arlwyo.

Rhoi Gwerslyfrau i’r Llyfrgell

Mae Gorsaf Roddion (troli) ar gyfer gwerslyfrau nad oes eu hangen mwyach y Prif Llyfrgell. Rydym yn annog myfyrwyr i adael unrhyw werslyfrau nad ydyn nhw eu hangen mwyach ar y troli, a’u cyfnewid am unrhyw lyfrau sydd eu hangen arnynt. Gall myfyrwyr hefyd adael hysbysiadau ar y bwrdd y tu ôl i'r troli, os ydynt am werthu neu brynu gwerslyfrau.