Nod y tîm cyfieithu yw cefnogi a hyrwyddo’r defnydd o’r Gymraeg ym mhob rhan o’r brifysgol
- trwy gyfieithu dogfennau o'r Saesneg i'r Gymraeg ac o'r Gymraeg i'r Saesneg
- trwy gyfieithu ar y pryd o'r Gymraeg i'r Saesneg mewn cyfarfodydd a digwyddiadau
Mae tîm Cyfieithu Canolfan Bedwyr wedi'i gydnabod fel gan .
Cysylltwch â ni trwy anfon e-bost i drafod eich anghenion.
Cyfieithu Dogfennau
Rydym yn cynnig gwasanaeth cyfieithu dogfennau o’r Gymraeg i'r Saesneg ac o'r Saesneg i’r Gymraeg. Gallwch anfon ychydig o eiriau o destun atom i'w cyfieithu, neu ddogfen hir.
Os ydych yn defnyddio'r gwasanaeth am y tro cyntaf darllenwch y cyfarwyddiadau isod ar sut i uwchlwytho dogfennau i'w cyfieithu.
Cysylltwch â ni ar cyfieithu@bangor.ac.uk os ydych angen unrhyw gymorth.
Cam wrth gam
- Cliciwch ar y cyswllt uchod a mewngofnodi i’r system yn defnyddio eich enw defnyddiwr a’ch cyfrinair arferol. Dylech roi eich enw defnyddiwr mewn llythrennau bach.
- Cliciwch ar ‘Creu Project Newydd’ ar waelod y sgrin.
- Bydd angen i chi nodi eich manylion personol, manylion y gwaith ac unrhyw wybodaeth bellach.
- Cofiwch roi digon o amser i ni gyfieithu eich gwaith. Os gwelwn na allwn gyfieithu’r gwaith erbyn y dyddiad yr ydych yn ei nodi, byddwn yn cysylltu â chi i drafod.
- Pythefnos yw’r dyddiad dychwelyd diofyn ond gallwch newid y dyddiad hwnnw os oes arnoch angen y gwaith yn ôl cyn hynny.
- Yn achos projectau mawr sydd dros 5,000 o eiriau dylech gysylltu â ni ymlaen llaw i roi rhybudd i ni y bydd y gwaith ar ei ffordd ac i drafod amserlen ar gyfer cwblhau’r gwaith.
- Mae lle ar y ffurflen hefyd i ychwanegu gwybodaeth ychwanegol am y project.
- Ar y dudalen nesaf gofynnir i chi ddewis rhwng uwchlwytho un ffeil neu nifer o ffeiliau neu deipio neu ludo testun byr o hyd at 250 o nodau cyfrifiadurol mewn blwch.
- Os yw’r gwaith yn fwy na hynny bydd rhaid i chi uwchlwytho ffeil.
- Gorau oll os gallwch anfon gwaith atom mewn ffeiliau Word.
- I orffen, cliciwch y botwm ‘Anfon at yr Uned Gyfieithu’.
- Yn eich cofnod ar y system bydd y gwaith yr ydych newydd ei anfon at yr Uned Gyfieithu i’w weld mewn GWYN.
- Unwaith y bydd yr Uned Gyfieithu wedi derbyn y gwaith a chadarnhau’r dyddiad dychwelyd bydd y gwaith yn troi’n FELYN.
- Wedi i’r gwaith gael ei ddosbarthu i gyfieithydd, bydd yn troi’n LAS.
- Pan fydd y gwaith wedi ei gwblhau bydd yn troi’n WYRDD ac fe gewch neges e-bost yn gofyn i chi fewngofnodi i’r system i lawrlwytho eich gwaith.
- Ar ôl agor y project a bydd dolen at y ddogfen wreiddiol ar y chwith a dolen at y cyfieithiad ar y dde. Cliciwch ar y ddolen at y cyfieithiad lawrlwytho’r ddogfen.
Cyfieithu ar y pryd
Mae’r Uned Gyfieithu yn cynnig gwasanaeth cyfieithu ar y pryd mewnol o’r Gymraeg i’r Saesneg yn y cnawd, yn rhithiol (dros Zoom a Teams) ac yn hybrid.
Mae’r Uned Gyfieithu hefyd yn cynnig gwasanaeth cyfieithu ar y pryd ar gyfer cyflwyniadau myfyrwyr. Os oes gennych fyfyrwyr cyfrwng Cymraeg a myfyrwyr cyfrwng Saesneg yn yr un dosbarth, gallwch alw ar yr Uned Gyfieithu i ddarparu cyfieithiad o gyflwyniadau’r myfyrwyr Cymraeg i’r Saesneg.
Cyn archebu, darllenwch y Canllawiau Archebu isod yn ofalus, ynghyd â'r Daflen Gyfarwyddiadau Zoom neu’r Daflen Gyfarwyddiadau Teams os ydych yn archebu gwasanaeth cyfieithu i ddigwyddiad rhithiol, yna ewch ati i lenwi’r .
Am ragor o wybodaeth cysylltwch â cyfieithu@bangor.ac.uk
Canllawiau Archebu’r Gwasanaeth Cyfieithu ar y Pryd o’r Gymraeg i’r Saesneg
Os ydych eisiau trefnu bod cyfieithydd ar y pryd yn bresennol mewn cyfarfod neu ddigwyddiad, dyma rai canllawiau i’w dilyn:
1. Dylech gynnwys yr holl fanylion perthnasol wrth archebu'r gwasanaeth:
- dyddiad
- amser
- natur y digwyddiad/cyfarfod
- dull (yn y cnawd / Zoom / Teams / hybrid)
- unrhyw bapurau perthnasol
Os bydd unrhyw rai o’r manylion hyn yn newid, mae’n rhaid rhoi gwybod i’r uned cyn gynted â phosib.
2. Dylech archebu’r gwasanaeth o leiaf 10 diwrnod gwaith cyn dyddiad y digwyddiad/cyfarfod. Fel rheol, oherwydd y galw mawr am ein gwasanaeth yn ystod oriau gwaith arferol, ni allwn gytuno i ddarparu gwasanaeth cyfieithu ar y pryd y tu allan i oriau gwaith. Nid ydym yn gallu darparu gwasanaeth cyfieithu ar y pryd i ddigwyddiadau allanol na digwyddiadau gyda chyllid allanol. Yn achos cynadleddau academaidd, mae’n rhaid cysylltu â’r uned o leiaf ddau fis cyn y digwyddiad. Mae croeso i drefnwyr cynadleddau gysylltu â ni cyn hynny am gyngor ar drefniadau ymarferol cyfieithu ar y pryd. Ond ni fydd modd cadarnhau y bydd y gwasanaeth ar gael nes bydd yr uned wedi cael copi o’r rhaglen gyda manylion llawn am y gofynion cyfieithu ar y pryd.
3. Dylech anfon unrhyw bapurau perthnasol at y Prif Gyfieithydd ar y Pryd o leiaf 3 diwrnod gwaith ymlaen llaw er mwyn i’r cyfieithydd allu paratoi at y cyfarfod/digwyddiad. Mae hyn yn bwysig ym mhob achos, ond mae’n hanfodol ar gyfer cyflwyniadau, cyfweliadau, seminarau ymchwil a chynadleddau. Mae’n rhaid anfon cyflwyniadau neu bapurau i’w cyflwyno mewn cynadleddau academaidd o leiaf 5 diwrnod gwaith cyn y gynhadledd.
4. Yn achos cyfweliadau a chyflwyniadau, dylech geisio sicrhau bod yr ymgeisydd/cyflwynydd yn bwriadu siarad Cymraeg. Os bydd mwy nag un unigolyn yn cymryd rhan, dylech geisio sicrhau bod y rhai sy’n bwriadu siarad/cyflwyno yn Gymraeg yn dilyn ei gilydd ar yr amserlen er mwyn gwneud y defnydd gorau o amser y cyfieithydd, ond cofiwch nad yw cyfieithwyr ar y pryd i fod i gyfieithu am fwy na hanner awr heb saib o 5 munud o leiaf.
5. Ni all yr uned ddarparu gwasanaeth cyfieithu ar y pryd mewn sesiynau cyfochrog yn yr un digwyddiad oherwydd y gofynion eraill sydd ar y gwasanaeth.
Defnyddiwch y ffurflen ar-lein i archebu'r gwasanaeth.
Am ragor o wybodaeth cysylltwch â’r Prif Gyfieithydd ar y Pryd.