¾«¶«´«Ã½

Er y bydd rhai ceisiadau wedi’u heithrio o’r gofyniad am adolygiad cymheiriaid ffurfiol (gweler y rhestr isod) bydd yn ofynnol i BOB cais grant gael ei gyflwyno i’r system adolygu er mwyn sicrhau trywydd archwilio cyson o geisiadau ar lefel Coleg, gan gynnwys monitro canlyniadau a chyfraddau llwyddiant. Sylwch, mae croeso i chi wneud cais am adolygiad mewnol o geisiadau, hyd yn oed os ydynt wedi'u heithrio.

Y BROSES GYFLWYNO

Ceisiadau sydd wedi'u heithrio o adolygiad mewnol

O LEIAF 4 wythnos cyn dyddiad cau’r cyllidwr:

1. Sicrhewch fod eich Pennaeth Ysgol yn ymwybodol o'ch bwriad i gyflwyno, a'i fod wedi cael ei friffio'n llawn ar unrhyw oblygiadau ariannol neu adnoddau.
2. Cwblhewch y profforma Adolygiad Cymheiriaid a nodwch y rheswm pam fod eich cais wedi'i eithrio rhag adolygiad mewnol.
3. Cyflwynwch y profforma wedi'i chwblhau i cahssresearch@bangor.ac.uk, gan ddefnyddio'r llinell bwnc ADOLYGIAD CYMHEIRIAID GRANT.

Yr holl geisiadau eraill

O LEIAF 4 wythnos cyn dyddiad cau’r cyllidwr:

1. Sicrhewch fod eich Pennaeth Ysgol yn ymwybodol o'ch bwriad i gyflwyno, a'i fod wedi cael ei friffio'n llawn ar unrhyw oblygiadau ariannol neu adnoddau;
2. Ewch ati i greu project yn Worktribe a nodwch gostau llawn y project. Bydd eich Swyddog Cefnogi Ymchwil ac Effaith/Swyddfa Cefnogi Ymchwil ac Effaith (fel arfer Dr Hazel Robbins) yn gallu helpu gyda hyn;
3. Ychwanegwch eich Pennaeth Ysgol fel ‘Golygydd’ ar y project Worktribe. PEIDIWCH â chlicio ar 'Cyflwyno am Gymeradwyaeth' ar hyn o bryd;
4. Cwblhewch destun eich cais fel PDF gan ddefnyddio'r fformat a'r penawdau sy'n ofynnol gan eich cyllidwr. Gall hwn fod ar ffurf drafft ond dylai fod yn gyflawn i raddau helaeth. Dylech gynnwys adran sy'n esbonio a chyfiawnhau'r adnoddau y gofynnir amdanynt, os oes angen hyn ar eich cyllidwr;
5. Dylech uwchlwytho’r PDF o destun y cais i'ch project Worktribe;
6. Cwblhewch y profforma Adolygiad Cymheiriaid a’i hanfon dros e-bost at cahssresearch@bangor.ac.uk gan ddefnyddio'r llinell pwnc ADOLYGIAD CYMHEIRIAID GRANT.

Llinell Amser yr Adolygiad

Anfonir ceisiadau at o leiaf un adolygwr, a darperir adborth ysgrifenedig o fewn 2 wythnos. Yn dilyn adolygiad, byddwch yn gallu adolygu eich testun, ei fewnbynnu i system ar-lein eich cyllidwr (os yw'n berthnasol) a chlicio cyflwyno. Byddwch hefyd yn cwblhau ac yn cyflwyno eich project Worktribe.

Eithriadau

Mae'r ceisiadau canlynol wedi'u heithrio o'r gofyniad am Adolygiad Cymheiriaid ffurfiol, ond dylech gwblhau a chyflwyno'r profforma Adolygiad Cymheiriaid o hyd.

• Ceisiadau gyda chost i'r cyllidwr o lai na £20k
• Cyllid na fydd yn cael ei godio fel Ymchwil (e.e. ymgynghoriaeth)
• Ceisiadau nad ydynt yn cael eu harwain gan Brifysgol ¾«¶«´«Ã½
• Ceisiadau nad ydynt yn cael eu harwain gan Goleg y Celfyddydau, Dyniaethau a Gwyddorau Cymdeithas
• Estyniadau i broject presennol
• Projectau o fewn partneriaeth ariannu barhaus
• Partneriaethau SMART neu debyg
• Ceisiadau am gyllid mewnol Prifysgol ¾«¶«´«Ã½
• Ceisiadau oportiwnistaidd neu ar gyfer rhywun arall

Hyd yn oed os yw ceisiadau wedi'u heithrio, mae croeso o hyd i chi wneud cais am Adolygiad Cymheiriaid ffurfiol os byddai'n ddefnyddiol i chi.

Datblygu grant

Sylwch mai adolygiad cymheiriaid ffurfiol fydd, fel arfer, cam olaf cyfnod hwy o adolygu a datblygu. Anogir pob cydweithiwr yn gryf i geisio cyngor anffurfiol a mentoriaeth gan gydweithwyr yn gynnar yn y broses, cyn cyflwyno i'r system Adolygu Cymheiriaid ffurfiol.