������ý

Dyfernir y Medal Polar i ddinasyddion Deyrnas Unedig Prydain Fawr a Gogledd Iwerddon sydd wedi gwneud cyfraniadau amlwg yn bersonol i wybodaeth am ranbarthau’r polar neu sydd wedi rhoi gwasanaeth hir o ansawdd rhagorol i gefnogi caffael gwybodaeth o'r fath.

Mae'r wobr hon yn gydnabyddiaeth o ymchwil ac arweinyddiaeth David yn yr Arctig a'r Antarctig, lle mae wedi gwneud llawer i wella ein dealltwriaeth am ecoleg a chemeg yr ardaloedd o rew môr yn arnofio sy’n gyffredin yng nghefnforoedd yr Antarctig a'r Arctig. Dechreuodd ei ymchwil polar yn y 1990au cynnar yn Sefydliad Alfred Wegener yn Bremerhaven. Gwnaeth David y rhan fwyaf o’i ymchwil maes yn ystod y 24 mlynedd y bu David mewn swyddi academaidd ym Mhrifysgol ������ý (1996 i 2020). Yn 2020 symudodd i Brifysgol Helsinki lle mae’n parhau â’i Ymchwil Arctig fel Athro Ymchwil Ecosystemau’r Arctig.”

Yn y blynyddoedd diwethaf mae David wedi helpu i arwain dwy raglen ymchwil fawr yn y DU ar gyfer Cyngor Ymchwil yr Amgylchedd Naturiol (NERC). Ymchwiliodd y ddau i’r newidiadau amgylcheddol mawr sy’n digwydd yn yr Arctig o ganlyniad i newid hinsawdd: Rhaglen Ymchwil yr Arctig gwerth £15 miliwn (2010-2016) a Rhaglen Newid Cefnfor yr Arctig gwerth £20 miliwn (2015-2021). Roedd yr olaf mewn cydweithrediad â Gweinyddiaeth Addysg ac Ymchwil Ffederal yr Almaen (BMBF).