¾«¶«´«Ã½

Cafodd enw da Prifysgol ¾«¶«´«Ã½ fel prifysgol gynaliadwy hwb arall gyda chyhoeddi’r, heddiw (5 Rhagfyr), sy’n ei gosod ymhlith y 10% uchaf o blith prifysgolion y byd o ran cynaliadwyedd.

Mae’r cynghrair yn ystyried yr amryfal ffyrdd y mae prifysgolion yn gweithredu i daclo’r materion dwysaf sy’n ein hwynebu ni oll o ran yr amgylchedd, cymdeithas a llywodraethu. Gosoda’r tabl cynghrair y Brifysgol yn safle 33 o blith 93 o sefydliadau yn y Deyrnas Unedig a gynhwysir yn y cynghrair, safle 63 o blith 493 o brifysgolion yn Ewrop a ystyriwyd ac yn gyfartal yn safle 139 o blith y 1403 o sefydliadau ledled y byd a adolygwyd am eu rhinweddau o ran cynaliadwyedd (sustainability credentials).

Dyma newyddion gwych i’r Brifysgol sy’n rhoi ystyriaeth i gynaliadwyedd yn ei holl weithgareddau.

Mae’r Brifysgol wedi codi ei safle yng nghategorïau’r Effaith Amgylcheddol (Environmental Impact) a’r Effaith Gymdeithasol (Societal Impact). Cafodd categori newydd Effaith Lywodraethol ei ychwanegu eleni. O blith yr  is-gategorïau, mae’r Brifysgol yn safle 30 yn fyd-eang am iechyd a lles, a safle 33 am addysg amgylcheddol. Bu gwelliannau hefyd yn ein safleoedd am ymchwil amgylcheddol a chydraddoldeb a chyfnewid gwybodaeth.