¾«¶«´«Ã½

Mae Prifysgol ¾«¶«´«Ã½ wedi cael ei henwi'n Brifysgol y Flwyddyn yng Nghymru a Phrifysgol Gynaliadwy'r Flwyddyn yn The Times and The Sunday Times Good University Guide 2027.

Mae'r Brifysgol hefyd wedi codi chwe safle yn y Deyrnas Unedig yn gyffredinol, gan ddringo o safle 59 i 53 allan o 130 o sefydliadau, ac mae bellach yn drydydd yng Nghymru, y tu ôl i Brifysgol Caerdydd a Phrifysgol Abertawe.

Mae'r canlyniadau hyn yn cynrychioli cynnydd gwerth 7% yn sgôr gyffredinol Prifysgol ¾«¶«´«Ã½ ac yn adeiladu ar gynnydd o bum safle'r Brifysgol a gyflawnwyd y llynedd.

Mae uchafbwyntiau allweddol yn cynnwys y canlynol:

• Safle 53 yn y Deyrnas Unedig, i fyny chwe lle o 2026.
• Safle 3 yng Nghymru yn gyffredinol.
• Safle 2 yng Nghymru am Ansawdd Ymchwil.
• Safle 3 yng Nghymru am Ragolygon Graddedigion a'r Tariff Mynediad Cyfartalog.
• Gwelliannau cryf mewn Rhagolygon Graddedigion ac Ansawdd Addysgu.

Mae pum maes pwnc Prifysgol ¾«¶«´«Ã½ wedi eu rhestru yn y chwartel uchaf yn genedlaethol, gan gynnwys tri sydd ymhlith y 10% uchaf o sefydliadau yn y Deyrnas Unedig: Celf a Dylunio (safle 5 allan o 81 o sefydliadau), Astudiaethau Diwylliannol (safle 2 allan o 27 o sefydliadau, sydd i raddau helaeth yn adlewyrchu astudiaethau Cymreig, Celtaidd a meysydd cysylltiedig), a Radiograffeg (safle 3 allan o 29 o sefydliadau).

Dywedodd yr Is-ganghellor, yr Athro Edmund Burke, "Mae cael ein henwi'n Brifysgol y Flwyddyn yng Nghymru a Phrifysgol Gynaliadwy'r Flwyddyn 2027 gan The Times a The Sunday Times yn gamp nodedig i gymuned gyfan y Brifysgol.

Mae'r gydnabyddiaeth hon yn dangos cryfder ein cymuned ac effaith y gwaith sy'n digwydd ar draws y sefydliad bob dydd. Yn ogystal â gwella ein henw da yn genedlaethol, mae'r anrhydeddau hyn hefyd yn rhoi cymeradwyaeth bwerus i ddarpar fyfyrwyr sy'n ystyried Prifysgol ¾«¶«´«Ã½."