Ceisiadau a Dyddiadau Cau
Rydym yn derbyn ceisiadau drwy gydol y flwyddyn.
Ar gyfer y rhan fwyaf o gyrsiau, rydym yn argymell gwneud cais erbyn diwedd Mehefin os wyt ti am ddechrau ym mis Medi, neu erbyn diwedd Hydref os wyt ti’n bwriadu dechrau ym mis Ionawr.
Os oes gennyt unrhyw gwestiynau am astudio ôl-raddedig ym Mangor, mae ein tîm yma i dy helpu bob cam o’r ffordd.
Cyrsiau Ôl-raddedig trwy Ddysgu
Mae graddau ôl-raddedig trwy ddysgu yn rhoi dysgu strwythuredig a manwl drwy ddarlithoedd, seminarau a gwaith ymarferol. Byddi di’n meithrin sgiliau, cwblhau amrywiaeth o asesiadau ac ennill profiad mewn ymchwil annibynnol sy’n dy baratoi ar gyfer y cam nesaf yn dy yrfa.
Ym Mangor, gelli astudio ystod eang o gymwysterau ôl-raddedig a addysgir, gan gynnwys MSc, MA, MBA, MMus, LLM a TAR.
Cyrsiau Ôl-raddedig trwy Ymchwil
Mae graddau ôl-raddedig trwy ymchwil yn rhoi’r gofod, y gefnogaeth a’r rhyddid academaidd i ti gael archwilio dy bwnc yn fanwl ac i wneud cyfraniad gwreiddiol i dy faes. Byddi di’n arwain dy ymchwil dy hun, yn gweithio’n agos gyda goruchwylwyr arbenigol, ac yn dod â dy syniadau’n fyw trwy draethawd annibynnol.
Ym Mangor, gelli ddewis o blith ystod eang o gymwysterau ymchwil, gan gynnwys LLM, PhD, MPhil, MRes, Doctorfa Broffesiynol, MScRes, MARes, DHealthCare, EdD a MMusRes.
Opsiynau Talu Hyblyg
Rydym yn cynnig opsiynau talu hyblyg. Mi alli di dalu dy ffioedd dysgu a ffioedd neuadd yn llawn cyn cofrestru, neu ledaenu'r gost ar draws y flwyddyn gyda'n cynllun talu.
Diolch i gefnogaeth ddiwyro fy ngoruchwyliwr a'r partneriaethau amhrisiadwy y mae'r brifysgol wedi'u meithrin gyda sefydliadau lleol, llwyddais i fagu'r hyder i ragori yn fy astudiaethau ôl-raddedig. Erbyn heddiw, rwy'n falch o fod mewn swydd werth chweil gyda chwmni technoleg arloesol.
Diwrnod Agored Ôl-raddedig
Ydych chi’n ystyried gradd ôl-raddedig trwy ddysgu neu trwy ymchwil ym Mangor? Mae ein Diwrnodau Agored yn ffordd wych o archwilio dy opsiynau a gweld sut all astudiaethau ôl-raddedig weithio i ti.
Dyma beth alla di ei ddisgwyl:
- Sgwrs gyda staff am gyrsiau a llwybrau astudio
- Dysgu am ysgoloriaethau a chyfleoedd cyllid ôl-raddedig
- Darganfod y gefnogaeth sydd ar gael i fyfyrwyr ôl-raddedig
Mwy am Brifysgol ¾«¶«´«Ã½
Rydym yn sicrhau llety i ymgeiswyr ôl-raddedig sy’n:
- gwneud cais am gwrs llawn-amser sy’n dechrau ym mis Medi
- astudio ar ein campws ym Mangor
- sicrhau statws di-amod cyn 7 Awst (gellir gwneud cais gan ymgeiswyr rhyngwladol sydd â chynnig amodol hefyd)
- gwneud cais am neuaddau cyn 7 Awst
Mae’r rhan fwyaf o ystafelloedd ôl-raddedig yn ystafelloedd unigol, gyda dewisiadau en-suite, stiwdio neu dŷ tref. Gwna cais cyn y dyddiad cau a byddi di’n gallu dewis dy ystafell ddewisol.
Mae bywyd ôl-raddedig ym Mangor yn cael ei lunio gan ddewis, cymuned a’r tirwedd o’i chwmpas. Byddi di’n darganfod:
- amrywiaeth eang o glybiau, cymdeithasau a phrosiectau gwirfoddoli
- bariau, caffis a mannau diwylliannol ledled y ddinas
- cyfleoedd di-ben-draw i archwilio’r mynyddoedd, y glannau a’r wlad
- cyfleusterau chwaraeon rhagorol gan gynnwys caeau 3G a glaswellt, neuaddau chwaraeon, campfeydd, cyrtiau sboncen, wal ddringo a thrac athletau
Mae ein cyfleusterau arbenigol yn cefnogi dysgu a ymchwil arbenigol ar draws disgyblaethau, gan gynnwys:
- llong ymchwil
- sganwr MRI
- siambr hinsoddol
- Amgueddfa Hanes Natur
- Gardd Fotaneg
Byddi di hefyd yn cael mynediad at:
- casgliadau llyfrgell eang
- dros 1,000 o gyfrifiaduron myfyrwyr
- ystafelloedd PC 24 awr
- mannau dysgu cymdeithasol
- amgylcheddau dysgu a ymchwil modern
Rydym eisiau dy weld di’n llwyddo yn ystod dy astudiaethau ôl-raddedig. Mae’r gefnogaeth ar gael yn cynnwys:
- Arweinwyr Cyfoes a Thiwtoriaid Personol
- Gwasanaethau Myfyrwyr ar gyfer cyngor ariannol, llety, lles, cymorth dyslecsia a chwnsela
- Tîm Cymorth Anabledd penodol
- Cymorth Sgiliau Astudio ar gyfer datblygiad academaidd